<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің делегациясы Түркия Республикасына арнайы іссапармен барып, бірқатар маңызды кездесулер өткізді. Іссапардың басты мақсаты – жастар саясатын дамыту, білім және мәдениет саласындағы ынтымақтастықты нығайту болды.Сапар барысында университет өкілдері Анталья қаласының губернартормен кездесіп, Түркияның Мәдениет және спорт министрлігінің басшысымен, Анталья және Аланья жастар орталықтарының жұмысымен және Ақдениз университеті мен Аланья Аладдин Кейкубат университетінің жұмысымен танысты.Кездесуде екі ел арасындағы жастар саясатын дамыту, тәжірибе алмасу және өзара байланыстарды тереңдету мәселелерін талқылады. Сонымен қатар, делегация кездесу өткізіп, жастардың мәдени және спорттық дамуын қолдау шараларымен танысты.Аланья жастар орталығында 30-дан астам үйірме тәулік бойы жұмыс істейді. Мұнда жастардың шығармашылық әлеуетін арттыруға ерекше көңіл бөлінген. Сонымен қатар, делегация әлемдік фестивальдерде жүлделі орын алған қысқаметражды фильмді тамашалады. Түркиядағы жастар саясаты жастарды спортқа баулуға, қолөнерді кеңінен дәріптеуге, технологиялық біліммен қамтамасыз етуге және олардың бос уақытын тиімді өткізуге бағытталған.Сонымен қатар, тараптар университеттер арасындағы ынтымақтастықты дамыту, қос дипломды бағдарламаларды іске асыру, студент алмасу және біріккен жобаларды жүзеге асыру бойынша келісімге келді. Оқу кампустарына арнайы тур ұйымдастырылып, делегация түрік студенттерінің өмірімен танысты. Түрік жастары арнайы концерттік бағдарлама ұсынып, түрік халық әндерінің тарихы мен музыкалық аспаптарын таныстырды. Өз кезегінде Қорқыт ата атындағы Қызылорда университетінің жастары домбырамен күй орындап, қазақтың бай мәдениетін паш етті.Айта кетейік, Қорқыт ата атындағы Қызылорда университеті мен Түркияның Жастар және спорт министрлігі арасындағы “Мәдени мұра” халықаралық жобасы биылдан бастап қолға алынды. Жоба аясында &nbsp;Түркияға екінші мәрте іссапар ұйымдастырылды. Сондай-ақ, қыркүйек айында Түркиядан 19 өкіл Қорқыт ата университетіне келіп, оқу орнының қызметімен және қазақ елінің мәдениетімен танысқан болатын.Жобаның басты мақсаты – түркітілдес елдердің мәдениетін жастар арасында кеңінен насихаттап, елдер арасындағы мәдени байланыстарды нығайту.

Түркияға іссапар: Мәдениет пен ынтымақтастықты дамыту

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті мен Мәскеу авиациялық институты арасында әріптестік байланыстарды дамыту бағытында жүйелі жұмыс жүргізіп келеді.Екі оқу орны арасындағы мәдени байланысты мен білім алушылар арасында достық қарым-қатынасты нығайту мақсатында баскетболдан ұлдар арасында жарыс ұйымдастырылды.&nbsp;Жарыс барысында екі команда тартысты ойын өрнегін көрсетіп, нәтижесінде Қорқыт ата атындағы Қызылорда университетінің студенттері жеңіске жетті.&nbsp;Университеттің Ғылыми жұмыстар және халықаралық байланыстар жөніндегі проректоры Майнура Бурибаева оқу орнының соңғы жетістіктері мен жаңалықтарына тоқталды. Кездесуде оқу орындары басшылығы академиялық ұтқырлық, ғылым және әлеуметтік даму бағыттары бойынша, сондай-ақ болашақтағы ынтымақтастық перспективалары жөнінде кеңінен пікір алмасты.Мәскеу авиациялық институтының өкілдеріне университеттің археологиялық музейі, Ботаникалық бақ және жылыжай шаруашылығы, «Cейхун» спорттық-сауықтыру кешені мен заманауи «Open space» кітапханасы, Жасанды интеллект институтының жұмысы таныстырылды. Бұл сапар алдағы уақытта екі жақты қарым-қатынастардың жаңа деңгейге көтерілуіне мүмкіндік бермек.<img src="https://knadmin.beoblood.kz/uploads/korkyt_c7d8bbb0db.jpg" alt="коркыт.jpg">

Халықаралық әріптестік байланыс нығаюда  

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың қатысуымен Тәуелсіздік күніне орай Жаңақорған ауданында 200 орындық "Оқушылар үйі" мен 50 орындық "Өнер мектебінің" салтанатты ашылу рәсімі өтті.Рәсімге облыстық мәслихат төрағасы Мұрат Тілеуімбетов, зиялы қауым өкілдері, жауапты сала басшылары мен аудан тұрғындары қатысты. Аймақ басшысы аудан тұрғындарын еліміздің ұлық мерекесімен, жаңа нысанның ашылуымен құттықтап, әлеуметтік-экономикалық дамудағы жетістіктерге тоқталды.<blockquote>«Баршаңызды бірлігіміздің бастауы болған мерекеміз – Қазақстан Республикасының Тәуелсіздік күнімен құттықтаймын! Мерейлі мерекеде Жаңақорған кентіндегі жаңа "Оқушылар үйі" мен "Өнер мектебінің" салтанатты ашылуына жиналдық. Мемлекет басшысы Қасым-Жомарт Кемелұлы «Жеті түрлі ілім білетін ұрпақ тәрбиелеу – бүгінгі күннің негізгі міндеті» деген болатын. Білім саласының бюджеті 264 млрд. теңгеге жетіп, салада ауқымды жобалар атқарылды. Жаңа нысандар ел игілігіне айналды. «Білімді қолдау қоры» есебінен Қызылорда қаласында физика-математика мектеп-интернаты, «Шығармашылық- инновациялық орталығы», «Саутс Ойл» компаниясының демеушілігімен музыкалық колледждің жаңа ғимараты салынуда.Қазан айында елімізде алғашқылардың бірі болып ел Президентінің бастамасымен қолға алынған «Жайлы мектеп» ұлттық жобасы аясындағы 900 орындық білім ошағын табыстадық. Бүгінде 9 мектеп салынуда, жыл соңына дейін 4-уі іске қосылады. Білім, ғылым, мәдениет және өнер саласының дамуы – өркениеттің өлшемі, қоғам дамуының басты көрсеткіші.Өңір мектептерінде оқитын 184 мың оқушының 168 мыңнан астамы спорттық секциялар мен үйірмелерге қатысады.&nbsp;Бүгін балаларымыздың игілігіне берілген аудандық "Оқушылар үйінде" 19 үйірме бар. Бұл жаңа ғимарат балаларымызға бос уақытын пайдалы өткізуге, түрлі жаңалықтар ашуға мүмкіндік беретін екінші үйіндей болады деп сенеміз. Ел іргесі берік, Тәуелсіздігіміз тұғырлы болғай!», – деді Н.Нәлібаев.</blockquote>Басқосуда қаржы саласының ардагері Қалхазбек Әжібеков бата беріп, еңбек ардагерлері мен құрылысшылар облыс әкімінің Алғыс хатымен марапатталды. Өткен жылы облыс орталығындағы 4 мектептің жанынан 1 850 орынға арналған қосымша ғимарат салынды. Қаржы үнемделіп, үш ауысымды оқытуға көшуі мүмкін мектептер мәселесі шешілді.Былтыр 1 170 орындық 4, осы жылдың басында 550 орындық 2 мектеп қолданысқа берілді. Жаңа оқу жылы қарсаңында Шиелі ауданында 100 орындық, Жаңақорған ауданында 150 орындық мектеп шәкірттерді қабылдады, 5 мектептің жанынан қосымша құрылыс салынды, 8 мектеп ғимараты күрделі жөндеуден өтті.&nbsp;Қызылорда қаласында «ҚазГерМұнай» компаниясының демеушілігімен 350 орындық "Оқушылар сарайы" ашылды. Бұл - саладағы қолға алынған бастамалардың бір бөлігі ғана.<img src="https://knadmin.beoblood.kz/uploads/O_ushylar_ji_1_39202a7a9c.jpg" alt="Оқушылар үйі 1.jpg"><img src="https://knadmin.beoblood.kz/uploads/O_ushylar_ji_2_65a62626d0.jpg" alt="Оқушылар үйі 2.jpg"><img src="https://knadmin.beoblood.kz/uploads/O_ushylar_ji_3_507b368989.jpg" alt="Оқушылар үйі 3.jpg"><img src="https://knadmin.beoblood.kz/uploads/O_ushylar_ji_4_4fcebc2bd1.jpg" alt="Оқушылар үйі 4.jpg"><img src="https://knadmin.beoblood.kz/uploads/O_ushylar_ji_5_7c5da29cca.jpg" alt="Оқушылар үйі 5.jpg">Фото: Қызылорда облысы әкімінің баспасөз қызметі

 Жаңақорған ауданында "Оқушылар үйі" мен " Өнер мектебі" ашылды

<a href="https://kyzylorda-news.kz/">Kyzylorda-news.kz</a> «Ұлағат» білім ордасы» мектебінде қалаға қарасты білім ошақтарының он саусағы майысқан шеберлері мен өнер иелері бас қосты. «Өнерлі ұрпақ – ел болашағы» атты қолөнер бойынша облыстық көрме-жәрмеңке сайысында бақ сынаған оқушылардың әрқайсысы бір-бір оқу орнының үмітін арқалап келген. Тартысты дода Қызылорда облысының мәдениет, архивтер және құжаттама басқармасының қолдауымен жеке кәсіпкер «Ербаеваның» «DamuBala» платформасы аясындағы үйірмелер мүшелері арасында өтті.<img src="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6.webp 815w, https://aqmeshit-aptalygy.kz/wp-content/uploads/2024/12/9f8d3613-4469-473a-b73c-e7a12ce6-768x1100.webp 768w" sizes="(max-width: 815px) 100vw, 815px" width="815" loading="lazy">Алдымен қадірменді қонақтар білім ошағының базасында жасақталған көркем гимнастика, қазақ күресі, шахмат, теннис, садақ ату тәрізді үйірмелердің жұмысымен танысты. Ал мұнан соң сайыс төрінде өнер көрсететін әрбір шебердің туындысын жеке-жеке тамашалады. Оқушылар тұрмысқа қажетті түрлі бұйымдарды өздері қолдан жасап жатты. Тағы бірі картина тоқыса, енді бірі бисерден бұйымдар жасады. Мұның барлығы балалардың бойынан талантты тап басып танып, бұлақ көріп, көзін ашып жүрген ұстаздардың мол еңбегінің нәтижесі екені даусыз.<img src="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507.webp 1177w, https://aqmeshit-aptalygy.kz/wp-content/uploads/2024/12/b5fabd64-6451-410c-94a6-370ce507-768x737.webp 768w" sizes="(max-width: 1177px) 100vw, 1177px" width="1177" loading="lazy"><blockquote>– Тәуелсіздік мерекесінің қарсаңында ұйымдастырылып жатқан байқауымыз біздің шәкірттеріміздің жан-жақты, өнерлі, білімді, талантты екенін көрсетті. Біздің болашағымыз – осы балалар. Олардың дұрыс жолда қалыптасып, дамуы жолында әркез тер төге бермекпіз. Өнерлерің өрге жүзсін, – деді мектеп директоры Елжан Әжібеков.</blockquote><img src="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp" alt="Өнерлі ұрпақ – сайыс төрінде" srcset="https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874.webp 1024w, https://aqmeshit-aptalygy.kz/wp-content/uploads/2024/12/eb82395b-02ef-424f-92f1-a82f5874-768x397.webp 768w" sizes="(max-width: 1024px) 100vw, 1024px" width="1024" loading="lazy">Сайысқа қорытындысы бойынша «ORDA school» мектебі І орынды қанжығасына байлады. Ал «Samruk kids» оқу орталығы ІІ орынды еншіледі. «Алаш арыстаны» спорт шығармашылық орталығына да ІІ орын бұйырды. Үздік үштікті түйіндеген қос қатысушы Жаңақорған ауданынан «Бала-ART» өнер орталығы мен ЖК «Ербаева» кәсіпкерлігі ІІІ дәрежелі дипломмен марапатталды.Сайысқа қатысқан орталықтар мен жеке мектеп жетекшілері Қызылорда қаласы әкімінің алғыс хатымен марапатталды.

Өнерлі ұрпақ – сайыс төрінде

<a href="https://kyzylorda-news.kz/">Kyzylorda-news.kz</a> Екінші тоқсанның аяқталуына санаулы күндер қалды. Қысқы каникул кезеңі 2024 жылдың 30-желтоқсаны мен 2025 жылдың 8-қаңтарын қоса алғанда он күнге созылады, деп хабарлайды BAQ.KZ.Мектеп оқушыларының қысқы демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспары жасалды. Ол бойынша мектептерде бірқатар білім беру, спорттық, мәдени және шығармашылық іс-шаралар өткізу жоспарланған:* «Оқуға құштар мектеп» жобасын іске асыру аясында «Қыста кітап оқимыз, жадымызға тоқимыз» мектепішілік іс-шарасы; * театр фестивальдері мен қойылымдары; * жаңа жылдық әшекейлер жасау бойынша шеберлік сабақтары; * қауіпсіздік сабақтары; * мұражайларға, ғылыми орталықтарға және тарихи ескерткіштерге танымдық экскурсиялар; * спорттық ойындар, коньки, шаңғы тебу; * қайырымдылық акциялары және басқа да шаралар.Ең бастысы – балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алуға, мектептің ішкі тәртібін сақтауға, балалардың көшедегі қауіпсіздігіне, үйдегі өрт қауіпсіздігі және киберқауіпсіздікке ерекше назар аударылады.Айта кетейік, бұл іс-шаралар білім беру ұйымдарына әдістемелік ұсыным ретінде жолданады.

Оқушылар қысқы каникулда неше күн демалады?

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Жалағаш ауданындағы «Серпін» индустриалды аймағында орналасқан «Өркен Әлем» ЖШС әскери киімдер өндірумен айналысады. Бастапқыда үлкен өндіріс орны 24 адамды жұмыспен қамтыса, қазір мұнда 60-қа жуық жергілікті тұрғын жұмыс істейді. Мұндағы нәзікжандардың барлығы – арнайы оқудан өткен тәжірибелі маман. Олардың тасымалы да бір жүйеге келген, яғни серіктестік басшысы жұмысшылардың қатынауына бір автобусты іске қосқан.&nbsp;Жақсылық Өзденбаев басшылық ететін серіктестікке 2017 жылы «СТ-KZ» сертификаты берілген. Дәл осы жылы кәсіпорында тапсырыс аясында 810 бронды кеудеше, 240 арнайы әскери киім дайындалған. Ал 2018 жылы тапсырыс көлемі ұлғайып, серіктестік 5 630 бронды кеудеше мен 2 125 каскаға арналған бүркеме шығарған. Сол уақыттан бері кәсіпорын көкжиегі кеңейіп, мұнда тапсырысты сапалы әрі уақытылы қамтамасыз ету дәстүрге айналған.Жалпы құны 38,2 млн теңгені құрайтын бұл жобаның болашағы жарқын. Себебі соңғы жылдары мұнда өндірілетін өнім түрі мен санында өсім қалыптасқан. 2019 жылы 11 мың каскаға арналған бүркеме әзірлеген серіктестік ұжымы қазір касканы толықтай өздері өндіреді. Себебі «Өркен Әлем» ЖШС әскери каска өндіретін Оңтүстік Кореялық алып аппаратты бірнеше жыл бұрын іске қосты.&nbsp;Жақсылық Өзденбаев бүгінде кәсіпорынды соңғы үлгідегі заманауи аппарат-тармен жарақтаған. Нәтижесінде серіктестікте жұмысшылар қатары артып, өнім көлемі де айтарлықтай ұлғайған.Бүгінде Қазақстан бойынша арнайы әскери киімдер шығаратын цех 3 аймақта бар. Ал еліміз бойынша салаға қажетті киімдердің барлық түрін өндіретін жалғыз кәсіпорын осы «Өркен Әлем» ЖШС екенін де айта кеткен жөн. Қазір серіктестік ұжымының күнделікті жұмысын көрген көз сүйсінеді. Мұнда негізінен шикізат Ресей мен Хорватиядан жеткізіледі. Серіктестік бронды кеудеше, каскадан бөлек қатты соққыға, жарықшаққа және оққа қарсы шлемнің бірнеше түрін шығарады.Айта кетейік, «Серпін» индустриалды аймағында орналасқан кәсіпорында газ-тұмылдырық, бронды кеудеше, жалпы әскери қорғаныш жамылғысы және шлем, парашют, каскаға арналған бүркеме мен арнайы әскери киімдер өндіру жұмыстары бір жүйеге келген.&nbsp; Тапсырысты орындауға қажетті шикізат қоры да толықтай жеткілікті.&nbsp;<blockquote>– Бастапқыда әскери киімнің санаулы түрін өндіруді қолға алдық. Уақыт өте кәсіпорын көкжиегі кеңейіп, өнім түрі мен санында өсім қалыптастырдық. Мұндағы құрылғылардың барлығы&nbsp; заманауи аппарат. Әріптестерімнің барлығы арнайы оқудан өткен тәжірибелі маман. Сондықтан олардың еңбегін жоғары бағалаймын. Қажетті шикізатты толық жеткізіп алдық, – дейді Жақсылық Өзденбаев.</blockquote>Іскер азаматтың мұндағы мамандардың еңбегін жоғары бағалайтынын біз де байқадық. Серіктестік іске қосылғалы жыл қорытындысымен өндіріс ошағындағы еңбеккерлерге 2 айлық жалақы көлемінде сыйақы беруді кәсіпорын басшысы дәстүрге айналдырған. Ал еңбеккерлер айлық жалақылары уақытылы берілетінін айтып отыр.&nbsp;Кәсіпорында бірнеше жылдан бері жұмыс жасайтын тәжірибелі маман Алтынай Әлібаеваның сөзінше, өндіріс ошағында тапсырысты уақытынан кеш орындау болмапты. Сондай-ақ цех меңгерушісі әсіресе мұндағы қызу еңбек жаз айларында басталатынын айтады.&nbsp;

Жалағаш: Серіктестік жұмысында серпін бар

<a href="https://kyzylorda-news.kz/ru">Kyzylorda-news.kz</a>&nbsp;Бұл туралы Орталық коммуникациялар қызметінің брифингінде облыс әкімі Нұрлыбек Машбекұлы хабарлады.Сыр өңірінде егін шаруашылығын дамытуда және әртараптандыруда кешенді іс-шаралар қолға алынған. Кейінгі 3 жылда аграрлық саланы қолдауға мемлекет тарапынан 43 млрд. теңге бөлінді. Соңғы 2 жылда 20 млрд. 300 млн теңгеден астам инвестиция тартылды.&nbsp;Мемлекеттік қолдаудың арқасында машина-трактор паркі жаңартылуда. Үш жыл ішінде 20,9 млрд. теңгеге 680 техника алынды. Осы жылы 8 млрд. 800 млн. теңгеге 250 ауыл шаруашылығы техникасы әкелініп, машина-трактор паркі 5 пайызға жаңаланды.&nbsp;Биыл 6,8 млрд. теңгенің 11 инвестициялық жобасы жоспарланып, құны 6 млрд. 400 млн. теңгені құрайтын 9 жоба іске асты. Қалған 2 жоба жыл соңына дейін қолданысқа беріледі. Бұл ауыл шаруашылығы жалпы өнім көлемінің жыл өткен сайын артуына оң ықпал етті, биыл осы көрсеткіш 229 млрд. теңгеге жетеді.Сыр диқандары биыл 189 мың 400 гектар жерге егін екті. Негізгі дақыл күріш 85 мың 600 гектарға себіліп, әр гектардан 58 центнерден өнім алынды, жарты миллион тоннаға жуық күріш жиналды (496,4 мың. тонна).Статистикалық деректерге қарағанда, 2024 жылдың 1 қыркүйегіне облыстан 28,7 млн. доллардың 52,9 мың тонна ауыл шаруашылығы өнімдері экспортталған, бұл өткен жылдың осы кезеңімен салыстырғанда 142,9 пайызға артық. Өнімдер әлемнің 17 мемлекетіне жіберілген. Былтырғымен салыстырғанда күріш экспорты 166,9 пайызға артты. Экспортталған өнімнің 92,1 пайызы, яғни 48 725,7 тоннасы – күріш. Сыр маржаны Ресей, Беларусь, Әзербайжан, Тәжікстан, Украина, Моңғолия, Өзбекстан және Иракқа жөнелтілді.&nbsp;Еске салсақ, соңғы жылдары Сыр диқандары 55 мың гектар күріш егістігін лазермен тегістеді. Нәтижесінде суды үнемдеп, өнімділікті 30 пайызға арттырды.

Нұрлыбек Нәлібаев: Күріш экспортында өсім бар

<a href="https://kyzylorda-news.kz/">Kyzylorda-news.kz</a>&nbsp; Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев атап өтті.Мемлекет басшысының Қазақстан халқына арнаған Жолдауынан туындайтын негізгі міндеттердің бірі – отандық және шетелдік инвестицияларды тарту. Биыл жоспарланған 517,5 млрд теңге меженің 478,3 млрд теңгесіне 10 айда қол &nbsp;жеткізілді. Соңғы үш жылда 30,3 млрд.теңгенің 35 инвестициялық жобасы іске қосылды.&nbsp;<blockquote>«Атап өту қажет, өңірге бекітілген индикатор соңғы екі жыл қатарынан артығымен орындалуда. 2022 жылы 373,5 млрд. теңге индикатор белгіленген еді, атқарылған жұмыстар нәтижесінде жоспар 10,6%-ға артығымен орындалып, &nbsp;413,3 млрд.теңге болды. Ал, өткен жылы 424,2 млрд.теңге индикатор &nbsp;бекітіліп, жоспар 21%-ға артығымен орындалды, яғни 513,7 млрд.теңге инвестиция тартылды», - деді Н.Нәлібаев.&nbsp;</blockquote>Қызылорда көрсеткіштің өсу қарқыны, жоспарлы көрсеткіштің орындалуы бойынша өңірлер арасында І орынға шықты. Өнеркәсіп саласының дамуына серпін берген шыны зауыты арқылы өндіріске 42 млрд. теңге инвестиция тартылды. Қажетті шикізаттар шетелден, әсіресе Ресейден, Өзбекстаннан тасымалдануда. Зауыт іске қосылғаннан бері 37,1 млрд. теңгенің 28,7 млн. шаршы метр шынысын өндіді. Өнімнің 70%-ы ішкі нарыққа, 30%-ы Өзбекстан, Қырғызстан, Тәжікстан, Грузияға және Ресейге экспортқа жіберіледі. Қазіргі таңда зауытта 400-ге жуық адам жұмыс жасауда.&nbsp;Инвестиция тарту, өндірістік кооперацияны дамыту, жаңа жобаларды іске асыру үшін шетелдік компания басшылары, дипломатия өкілдері облысқа жұмыс сапарымен келіп, кездесулер ұйымдастыруда. Аймақта инвесторларға қолайлы климат қалыптасты деп айтуға толық негіз бар.Сыр өңірінде жүзеге асырылған ірі инвестициялық жобалар қатарында «Болат Өтемұратов қорының» демеушілігімен салынған «Қорқыт ата әуежайының» жаңа терминалы бар. «Акса Энерджи» түрік компаниясының &nbsp;инвестициясына қуаттылығы 240 мегаваттық жаңа жылу-электр орталығының құрылысы қарқынды жүруде.<figure class="image"><img src="https://knadmin.beoblood.kz/uploads/tecz_b963280bc8.jpg" alt="тец.jpg"></figure>

Сыр өңіріне 1.4 трлн теңге инвестиция тартылды

<a href="https://kyzylorda-news.kz/">Kyzylorda-news.kz</a> Мемлекеттік кірістер органының құрылғанына биыл 10 жыл толды. Қазір аталған мекеме халықтың әлеуметтік дамуы мен мемлекеттік эконмикалық қауіпсіздігін қамтамасыз етуге зор үлес қосуда. Ел бюжетін еселеуге үлес қосып отырған Арал ауданы бойынша Мемлекеттік салық инспекциясы болып 1990 жылы құрылған. Ол кезде Арал аудандық қаржы бөліміне қарасты Мемлекеттік кірістер бөлімінің 12 қызметкері еңбек етті.1991 жылдың 9 шілдесінде «Мемлекеттік салық қызметін құру» туралы Жарлықпен, тәуелсіз еліміз бойынша дербес салық жүйесі қалыптасты. Бұл кезде Арал аудандық салық органының құрамында 25 қызметкер жұмыс істеді.Араға он жыл салып, 2001 жылы «Салық және бюджетке төленетін міндетті төлемдер» туралы заң қабылданды. Қазақстан Республикасының Салық қызметінің даму стратегиясы бекітіліп, алға қойылған мақсаттар мен оларға жету жолдары айқындалған еді. Құрылымдық өзгерістерге байланысты салық инспекциясы кейіннен салық комитеті, одан кейін Арал ауданы бойынша салық басқармасы болып өзгерді. Мемлекеттік басқару жүйесіндегі жаңа реформалар негізінде, Қазақстан Республикасы Үкіметінің 2014 жылғы 14 тамызындағы қаулысына сәйкес, Арал ауданы бойынша Мемлекеттік кірістер басқармасы болып қайта құрылды.Арал ауданында 1990 жылы салық инспекциясы құрылған кезде аудандық инспекцияның тізгінін Мұратбек Ерімбетов алып, 1996 жылға дейін басқарған. Ал 1997-1999 жылдарда Аралбек Қанатов, 1999-2007 жылдарда Совет Бабанаев, 2007-2010 жылдарда Фердауси Қожабергенов Әбілқасымұлы, 2010-2015 жылдарда Бектас Нуридинов, 2016-2020 жылдарда Бақыт Дүйсенов, 2020-2023 жылдарда Ербол Садыков басшылық жасады. Қазіргі таңда 2023 жылдың 1 маусымынан бастап Еркебұлан Әбдікеров басқарып &nbsp;отыр.Еркебұлан Өмірсерікұлы басқаратын Арал ауданы бойынша Мемлекеттік кірістер басқармасының бүгінгі ұжымы 13 негізгі қызметкерден тұрады. Басқарма «Салық төлеушілермен жұмыс», «Құқықтық жұмыс және өндіріп алу», «Салықтық бақылау және есепке алу, талдау» сынды 3 бөлімнен құрылған.Аудан экономикасын дамытудың ең маңызды шарасы бюджеттің кіріс көздерін ұлғайту болып табылады. Ауданның ерекшелігі жер астынан өндіретін пайдалы қазбалардың, яғни табиғи ресурстардың ас тұзы, кварц құмының, жер асты суларының болуы және оларды тиімді пайдаланып өндіріс орындарының бой көтеруі саланың қарқынды жұмыс істеуіне септігін тигізуде.&nbsp;Былтыр аудан аймағында пайдалы қазбаларды өндірумен айналысатын «Аралтұз» АҚ-ы 515 817 тонна ас тұзын, ал «Латон Маркет» ЖШС-гі 4 397 395 тонна кварц құмын өндіргендігін баса айтқымыз келеді. Сонымен қатар соңғы жылдар ауданда кәсіпкерлікке ден қойғандардың да қатары артуда.&nbsp;Жергілікті бюджеттің негізі заңды тұлғалар мен дара кәсіпкерлердің және жеке тұлғалардың табыс салығы, әлеуметтік салық, мүлік, жер, көлік құралдары салықтары мен бюджетке төленетін басқа да міндетті төлемдерден тұратындығын ескерсек, халық қазынасын молайту бағытында Арал аудандық мемлекеттік кірістер басқармасының тындырымды атқарған жұмыстарының нәтижесінде ауданның жергілікті бюджет түсімі жыл сайын артып отыр.Мерейлі мереке қарасаңында аудан әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтті.Аудан әкімі мәжілісте салық түсімдерін молайту арқылы ел қазынасын еселеуде табысты еңбек етіп келе жатқан сала мамандарын мерекемен құттықтап, мемлекеттік органның құрылу кезеңіне &nbsp;тоқталып өтті.<blockquote>– Қай мемлекет болсын оның экономикалық әлеуеті мемлекеттік салық жүйесімен тығыз байланысты. Осыдан 10 жыл уақыт бұрын саладағы өзгеріс үлкен мемлекеттік органның құрылуына сеп болған еді. Яғни, 2014 жылы Қазақстан Республикасы Қаржы министрлігінің Салық комитеті мен Кедендік бақылау комитеті біріктіріліп, Мемлекеттік кірістер комитеті болып құрылды. Міне, содан бері саладағы құрылым салықтық бақылауды ұйымдастыру жолдарын тұрақты түрде дамытып, әрқашан жаңа әдістермен түрлендіру арқылы ел қазынасын еселеп келеді, – деді аудан әкімі.</blockquote>Бүгінде саладағы оң нәтижелер айқын сезіледі. Осы жылға аудан бюджетінің өз кірістерінің көлемі 3,3 млрд теңге болса, оның ішінде дербес бюджет 527,5 млн теңге болып бекітілген. Өткен жылмен салыстырғанда жоспар 115 млн теңгеге артық. Бұл – жақсы көрсеткіш. Бұған ең алдымен халықтың әлеуметтік дамуы сеп болса, аудан қазынасының ұлғаюына салық қызметкерлерінің де қосып келе жатқан үлесі зор.Аудан әкімі жиында сала қызметкерлерінің еңбегі ескерусіз қалмайтынын айтып, мереке қарсаңында аудандық мемлекеттік кірістер басқармасының бөлім басшысы Әсербек Жұбандықовқа Облыс әкімінің «Алғысы хатын» табысталғандығын атап өтті. Сондай-ақ 23 жылдың еңбек өтілі бар Базаркүл Сәсенбаеваға «Мемлекеттік кірістер органының үздігі», саналы ғұмырының 20 жылын саланың дамуына арнаған Райкүл Қосбаулина мен 15 жыл салық саласында табанды еңбек еткен Ербол Садықов «Қазақстан Республикасы Мемлекеттік кірістер органдарының құрылғанына 10 жыл» төсбелгісімен марапатталды. Бұдан бөлек табысты еңбек еткен бірқатар қызметкерлер аудан әкімінің Алғысына ие болса, аудандық мемлекеттік кірістер басқармасының басшысы Е.Әбдікеров кірістер саласындағы оң өзгерістер мен қол жетікізілген нәтижелерге тоқталып, әріптестеріне департамент басшысының «Құрмет грамотасын» табыстады.Жиын соңында құрметке бөленген ардагерлер өздерінің ақжарма тілектерін жеткізіп, сала мамандарының алдағы қызметтеріне сәттілік тіледі.Мемлекеттік кірістер әр салық төлеушіні адалдыққа шақырады. Ал осы мерейлі 10 жыл ішінде атқарылған жұмыстарды қорытындылап, алдағы жылдарға жаңа мақсат пен жоспарларды жолға қоюға септігін тигізбек. Назерке МАРАТҚЫЗЫ Фото: ашық көздерден

Мемлекеттік кірістер: жүйелі жұмыс жемісі

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылордада «Руханият жылы» аясында мемлекет және қоғам қайраткері Темірбек Жүргеновтің өнегелі өмір жолына, «Шаһнаманың» жарық көргеніне 90 жыл, «Терме» жинағының жарық көргеніне 100 жыл толуына арналған «Терме – тәрбие, жыр – рух» атты республикалық жыршылар байқауы өтті.&nbsp;Байқауға Астана, Алматы, Маңғыстау, Ақтөбе, Павлодар, Түркістан қалаларынан және аудандардан жыршылар қатысты.Облыс әкімінің орынбасары Шахмардан Байманов аймақ басшысы Нұрлыбек Нәлібаевтың құттықтауын оқып, жыршыларға сәттілік тіледі.<blockquote>«Темірбек Жүргенов есімі қазаққа ғана емес, иісі түркі жұртына құрметті, Орта Азия мен Қазақстанға ортақ тұлға. Жүргеновтің тікелей атсалысуымен «Қазақстанда мектеп жүйесін реттеу және қазақ орта мектептерін көбейту туралы» қаулы қабылданды. Алматыдағы бүкілқазақстандық халық өнерпаздарының І слетін, Мәскеудегі Қазақстан өнері мен әдебиетінің онкүндігін ұйымдастырушылардың бірі болды.</blockquote><blockquote>Ол қазақ жастарының КСРО-ның орталық қалаларындағы оқу орындарында білім алуына көмек көрсетті. Мұхтар Әуезов, Жұмат Шанин, Әбілхан Қастеев секілді қайраткерлердің шығармашылықпен айналысуына жағдай жасады. Тұрмағамбет шайырды Алматыға арнайы алдырып, Фердоусидің «Шахнамасын» қазақ тіліне аудартты.</blockquote><blockquote>Темірбек Қараұлы – өзіне өлмес, тозбас ескерткіш соғып кеткен тұғырлы тұлға. Біздің міндетіміз – оның есімін халық жадында жаңғыртып, өскелең ұрпаққа насихаттау. Халқымыздың дара перзенттерінің мұрасы ел игілігіне қызмет ете берсін. Ұрпақтан ұрпаққа мирас болып қалар сөз маржанын жарқырата жырлап, жеңіс иесі болыңыздар. Баршаңызға сәттілік тілеймін!», – деді Ш.Байманов.</blockquote>Байқауға Қазақстанның еңбек сіңірген қайраткері, «Парасат» орденінің иегері Алмас Алматов, Қазақстанның еңбек сіңірген қайраткері Ұлжан Байбосынова, қоғам қайраткері, «Т.Жүргенов атындағы қордың» төрағасы Сәби Аңсат төрелік етті.Қазылар алқасы жыршылардың орындаушылық шеберлігіне, мақам-саз үндестігіне, шығарманың мазмұнын көрерменге жеткізе білумен қатар, сахна мәдениетіне баса мән берді. Жүлдегерлер бағалы сыйлықтармен, Алғыс хаттармен марапатталды.<img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_1_3bad78613a.jpg" alt="«Терме – тәрбие, жыр – рух» атты республикалық жыршылар байқауы өтті 1.jpg"><img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_4_dc7330deaa.jpg" alt="«Терме – тәрбие, жыр – рух» атты республикалық жыршылар байқауы өтті 4.jpg"><img src="https://knadmin.beoblood.kz/uploads/Terme_t_rbie_zhyr_ruh_atty_respublikaly_zhyrshylar_baj_auy_tti_3_7feef5745f.jpg" alt="«Терме – тәрбие, жыр – рух» атты республикалық жыршылар байқауы өтті 3.jpg">Фото: Қызылорда облысы әкімінің баспасөз қызметі

«Терме – тәрбие, жыр – рух» атты республикалық жыршылар байқауы өтті

<a href="https://kyzylorda-news.kz/">Kyzylorda-news.kz</a> Бүгін Қызылордадағы «Өнер орталығында» облыс әкімі Нұрлыбек Нәлібаевтың қатысуымен Халық жазушысы, Мемлекеттік сыйлықтың лауреаты Әбдіжәміл Нұрпейісовтің 100 жылдығына арналған «Әлем таныған Әбдіжәміл» атты еске алу кеші өтті. Басқосуға Астана мен Алматы қалаларынан арнайы келген ақын-жазушылар, Арал ауданының делегациясы, зиялы қауым өкілдері, жауапты сала басшылары, Әбдіжәміл Нұрпейісовтің балалары мен қала тұрғындары қатысты.Аймақ басшысы әлем әдебиетінің қазынасын толтырған қайраткер қаламгер туралы айтып, абыз ақсақалдың құрметіне арналған шараға шақыртуды қабыл алған қонақтарға өңір халқы атынан риясыз алғысын білдірді.<blockquote>«Алаштың асыл перзенті, Қазақстанның Халық жазушысы, Еңбек Ері, КСРО Мемлекеттік сыйлығының лауреаты Әбдіжәміл Кәрімұлы Нұрпейісов – ғасырға жуық өмір сүрген ғажайып тұлға. «ХХ ғасыр – қазақ әдебиетінің алтын ғасыры» атануына зор үлес қосқан суреткерлердің бірі де бірегейі Әбе екені анық. Әлем әдебиетінің алтын қорына қосылған «Қан мен тер» трилогиясы, «Соңғы парыз» дилогиясы – Нұрпейісовтің ғана емес, күллі қазақ әдебиетінің, әлем әдебиетінің табысы болып саналады. Атақты екі шығарма отыздан астам шетел тіліне аударылып, әдебиетімізді дүние жүзіне танытты, әлем әдебиетшілерінің үздік бағасына ие болды.Әбдіжәміл Нұрпейісов – Ұлы Отан соғысының отты жылдарын бастан кешкен жеңіс жауынгері.Ел Президенті Қасым-Жомарт Кемелұлы Тоқаев Әбені 95 жылдық мерейтойымен құттықтаған жеделхатында: «Сізді егемен еліміздің әдебиеті мен мәдениетінің өркендеуіне өлшеусіз үлес қосқан аса көрнекті жазушы, сөз өнерінің патриархы ретінде қадірлейміз. Қазақ қаламгерлері арасынан дараланып шығып, бірегей тұлға дәрежесіне көтерілген өзіңізді үнемі мақтан етеміз» деген еді. Мемлекет басшысының бағалауы Әбдіжәміл Нұрпейісов тұлғасындағы биіктікке өлшем болады.Шын мәнінде жазушының рухына жасалған құрмет – ұрпақтың рухани қазынасын молайта түсудің бір жолы. Қазақ халқының, қазақ әдебиетінің тойы – Қазақстанның Халық жазушысы, сөз өнерінің патриархы Әбдіжәміл Нұрпейісовтің 100 жылдығы құтты болсын!», – деді Н.Нәлібаев.</blockquote>Сондай-ақ, облыс әкімі қаламгерлердің қарашаңырағы Қазақстан Жазушылар одағының 90 жылдығымен құттықтады.<blockquote>«Алыптардың ісін лайықты жалғаған, «Әдебиет – ардың ісі» деген қағиданы берік ұстанған, қазақ елінің руханияты мен әдебиетін өркендету жолындағы жұмыстарыңызға табыс тілеймін», – деді аймақ басшысы.</blockquote>Айта кету керек, жақында ғана Алматы қаласында Қазақстан Жазушылар одағының бастамасымен және «Қазақ ПЕН» клубының ұйымдастыруымен Әбдіжәміл Нұрпейісовтің 100 жылдығына арналған халықаралық ғылыми-танымдық конференциялар өтті. Конференцияға Мәдениет және ақпарат министрі арнайы қатысып, ел Президенті Қасым-Жомарт Кемелұлының жеделхатын табыстады. Шетелдік және отандық ғалымдар баяндама оқып, «Біздің Әбе» атты естелік кітаптың тұсауы кесілді, жазушының тұрған үйіне ескерткіш тақта орнатылды.Қаламгердің туған жері Сыр өңіріндегі «Руханият жылы» аясында жыл бойы тағылымды шаралар өткізіліп, қазан айынан бері «Әлем таныған Әбе» атауымен кешенді рухани-танымдық топтамаларға басымдық берілуде. «Қалам ұшындағы ғалам» атты халықаралық суретшілер симпозиумы, «Теңіз текті тұлға» атты республикалық шығармашылық байқау, естелік кітаптардың жарық көруі, Алматы қаласындағы Ұлттық кітапханада өткен «Кітап және қаламгер» республикалық ғылыми-тәжірибелік конференциясы – соның айғағы.Бүгінгі іс-шарада Қазақстанның еңбек сіңірген қайраткері, Мемлекеттік сыйлықтың лауреаты, «ТҮРКСОЙ» Жазушылар одағының төрағасы Ұлықбек Есдәулеттің 70 жасына орай ақынға сый-құрмет көрсетілді. Аймақ басшысы «Құрмет грамотасын» табыстап, дәстүрге сай иығына шапан жапты.Еске алу кешінде арнау айтылып, «Қан мен тер», «Сең» спектакльдерінен үзінді көрсетілді, өңір өнерпаздары жыр шашуын жолдады.Рухани шаралар ертең қаламгердің туған топырағы Арал ауданында жалғасады.<img src="https://knadmin.beoblood.kz/uploads/lem_tany_an_bdizhamil_1_d2fb5aaaa8.jpg" alt="Әлем таныған Әбдіжаміл 1.jpg"><img src="https://knadmin.beoblood.kz/uploads/lem_tany_an_bdizhamil_2_8e358139ff.jpg" alt="Әлем таныған Әбдіжаміл 2.jpg"><img src="https://knadmin.beoblood.kz/uploads/lem_tany_an_bdizhamil_3_846b474af5.jpg" alt="Әлем таныған Әбдіжаміл 3.jpg"><img src="https://knadmin.beoblood.kz/uploads/lem_tany_an_bdizhamil_4_481c7b141c.jpg" alt="Әлем таныған Әбдіжаміл 4.jpg"><img src="https://knadmin.beoblood.kz/uploads/lem_tany_an_bdizhamil_5_7535d99e4f.jpg" alt="Әлем таныған Әбдіжаміл 5.jpg">Фото: Қызылорда облысы әкімінің баспасөз қызметі

 Сыр елінде «Әлем таныған Әбдіжәміл» атты еске алу кеші өтті

<a href="https://kyzylorda-news.kz/">Kyzylorda-news.kz</a> Кеше «Өнер орталығында» облыс әкімі Нұрлыбек Нәлібаевтың қатысуымен Энергетиктер күніне орай мерекелік шара өтті.Салтанатты жиынға зиялы қауым өкілдері, еңбек ардагерлері, құқық қорғау органдары мен жауапты сала басшылары, қала тұрғындары қатысты.Аймақ басшысы энергетика саласы қызметкерлерін, жиналған қауымды Тәуелсіздік күнімен және кәсіби мерекемен құттықтады.<blockquote>«Баршаңызды ел болып атап өткен мерейлі мерекеміз – Тәуелсіздік күнімен құттықтаймын! Әділетті Қазақстан құру жолындағы ізгі мақсат-мұратымызға адал еңбекпен, бекем бірлікпен, тату тірлікпен, толайым жетістікпен жете берейік!Энергетика әлеуметтік сала мен индустрияны алға жылжытушы күш, экономиканың алтын өзегі, локомотиві және негізгі діңгегі болып саналады. Сондықтан бұл сала қызметкерлері әрқашан жоғары құрметке және қоғамдық мәртебеге ие.Бүгінде аймақ экономикасының барлық саласының дамуында оң тенденция қалыптасқанын білесіздер. Өңіріміз негізгі макроэкономикалық көрсеткіштер бойынша республикада алғашқы орында.Президентіміз Қасым-Жомарт Кемелұлының тікелей қолдауының арқасында аймақтың энергетика саласы қарқынды дамуда. Өздеріңізге белгілі, Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы салынуда. Бүгінде инвестор – «Акса Энерджи» түрік компаниясы құрылысқа 127 млрд. теңгеден астам инвестиция салды. Бұл – тәуелсіздік жылдарындағы инвестор қаржысына салынған ең ауқымды, теңдесіз жобалардың бірі. Жаңа орталық өңірдің электр энергиясына деген қажеттілігін толық қамтып, бір бөлігін аймақтан тыс жерлерге сатуға мүмкіндік береді. Өңір үшін айрықша маңызға ие нысанды келер жылы ел игілігіне табыстайтын боламыз.Биылғы Энергетиктер күні «Қызылорда электр тарату тораптары» және «Қызылорда жылу-электр орталығы» мекемелерінің құрылғанына 60 жыл толуымен қатар келгенін айрықша атап өткен жөн. Әр үйді жарықпен, жылумен қамтамасыз етуде, тұтас өңір экономикасын жылжытушы күш ретінде бұл кәсіпорындардың қызметі ерекше маңызға ие. Кәсіпорын қызметкерлері күннің ыстық-суығына қарамастан жұмысын атқарып, елге қуат, жанға шуақ сыйлап келеді.Сала мамандары мен ардагерлерін кәсіби мерекемен құттықтаймын! Тұрмыс-тіршілігіміздегі аса маңызды саланың дамуына қосқан үлестеріңіз үшін алғысымды білдіріп, еңбектеріңізге жеміс, атқарған әр істеріңізге сәттілік, дендеріңізге саулық, отбасыларыңызға ырыс-ынтымақ тілеймін!», – деді Н.Нәлібаев.</blockquote>Салтанатты жиында сала мамандары марапат төрінен көрінді. «Қызылорда жылу- электр орталығының» директоры Дінмұхаммед Исламов «Парасат», «Қызылорда электр тарату тораптары» компаниясы Сырдария аудандық электр торабы оперативтік-диспетчерлік тобының электромонтері Қазбек Ерімбет, «Қызылорда жылу-электр орталығы» кәсіпорыны оңтүстік бу қазандығының сорғы жабдықтарын жөндеу шебері Мағауя Бегімов ІІІ дәрежелі «Еңбек даңқы» ордендерімен марапатталды. Ал, «Қызылорда су жүйесі» кәсіпорнының бас инженері Наурыз Баярыстановқа «Ерен еңбегі үшін» медалі табысталды.Сонымен қатар, сала мамандарының бірқатары Қызылорда облысының Құрмет грамотасымен, облыс әкімінің Алғыс хатымен, «Электр энергетикасы саласына қосқан үлесі үшін» медалімен, «Еңбек сіңірген энергетик», «Құрметті энергетик» төсбелгілерімен марапатталды.Ерекше еңбегімен көзге түскен азаматтарға «Үздік дәнекерлеуші», «Үздік электр энергетик», «Үздік жылу энергетигі», «Үздік электромонтер» номинациялары және 500 мың теңге көлемінде сыйақы берілді.Айта кету керек, Мемлекет басшысының тапсырмасына сәйкес оңтүстік өңірлерде электр энергиясының тапшылығын болдырмау үшін Қызылорда облысында құны 800 млрд.теңге, қуаттылығы 1100 мегават жаңа бу-газ қондырғысының құрылысы жоспарлануда. Қазіргі таңда «Самұрық Энерго» компаниясы Катар инвесторымен келіссөздер жүргізіп, техникалық-экономикалық негіздемесі әзірленуде. Жаңа бу-газ қондырғылары Қызылорда қаласынан Ұлытау облысына шығаберіс аумаққа салынады. Бұл құрылысқа әкімдік 280 гектар жер бөлді. Станцияны 2029 жылы толығымен іске қосу жоспарлануда.Энергетиктер күніне орай ұйымдастырылған іс-шара мерекелік концертке ұласты.<img src="https://knadmin.beoblood.kz/uploads/yzylordada_energetikter_k_ni_atalyp_tti_1_5b91699b91.jpg" alt="Қызылордада энергетиктер күні аталып өтті 1.jpg"><img src="https://knadmin.beoblood.kz/uploads/yzylordada_energetikter_k_ni_atalyp_tti_2_975c60f3c8.jpg" alt="Қызылордада энергетиктер күні аталып өтті 2.jpg"><img src="https://knadmin.beoblood.kz/uploads/yzylordada_energetikter_k_ni_atalyp_tti_3_89b0ad8e95.jpg" alt="Қызылордада энергетиктер күні аталып өтті 3.jpg">Фото: Қызылорда облысы әкімінің баспасөз қызметі

Қызылордада энергетиктер күні аталып өтті

<a href="https://kyzylorda-news.kz/">Kyzylorda-news.kz</a> &nbsp;Астана қаласының азаматтық істер жөніндегі ауданаралық соты азамат А-ның Қазақстан Республикасының Үкіметіне «Қазақстан Республикасының аумағында уақытты есептеу тәртібі туралы» 2000 жылғы 23 қарашадағы №1749 және оған өзгерістер енгізу туралы 2024 жылғы 19 қаңтардағы №20 қаулыны заңсыз деп тану және күшін жою туралы талап қоюы бойынша істі қарады, – деп хабарлайды <a href="https://massaget.kz/">Massaget.kz</a> тілшісі Астана қаласының азаматтық істер жөніндегі ауданаралық сотына сілтеме жасап.Шағымдалған №20 қаулының 3 және 3-1 тармақтарында:«3. Қазақстан Республикасының бүкіл аумағында 5-ші сағаттық белдеу қолданылсын»;«3-1. Астана, Алматы, Шымкент қалаларының, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан, Абай, Жетісу және Ұлытау облыстарының әкімдіктері 2024 жылғы 29 ақпаннан 2024 жылғы 1 наурызға қараған түні (сағат 00:00-де) жергілікті уақытты 1 сағат артқа ауыстырсын» – деп көрсетілген.Талап қоюда уақыт белдеуінің астрономиялық уақытқа сәйкес келмейтіндігі, жаңа НҚА қабылдауға әкеп соғатындай мәтінінің жартысынан асатын көлемде өзгерістер енгізу туралы шешім қабылдауға жауапкердің өкілеттігінің жоқтығы көрсетілген.Сот шешімімен талап қоюды қанағаттандырудан бас тартылды.«Өлшем бірлігін қамтамасыз ету туралы» Заңмен өлшем бірлігін қамтамасыз ету саласындағы бірыңғай мемлекеттік саясаттың негізгі бағыттарын әзірлеу Үкіметтің құзыретіне жатқызылған.2000 жылғы 26 қаңтардағы №131 қаулымен уақыт және эталондық жиіліктер жөніндегі ведомствоаралық комиссия атынан Үкімет жанынан консультативтік-кеңесші орган құрылған.Комиссияның функцияларының бірі республика аумағында уақытты есептеу тәртібін белгілеу және өзгерту жөнінде ҚР Үкіметіне ұсыныстар енгізу болып белгіленген.Даулы қаулыларды қабылдауды Үкімет ҚР Конституциясының 69-бабында берілген өкілеттіктер шеңберінде іске асырған, оған сәйкес Үкімет өз құзыретінің мәселелері бойынша Республиканың бүкіл аумағында міндетті күші бар қаулылар шығарады.Сонымен қатар 2000 жылғы 23 қарашадағы қаулы қабылданғаннан бері 24 жылдан астам уақыт өткен, талап қоюшы талап қоюдың жалпы үш жылдық ескіру мерзімін өткізіп алған.Нормативтік құқықтық акт мәтінінің жартысынан астамын өзгерту туралы дәлел расталмады, бұл мән-жай Үкіметтің қаулысын заңсыз деп тануға негіз бола алмайды, себебі жауапкердің НҚА шығару рәсімі бұзылмаған. Шешім заңды күшіне енген жоқ.Фото: Midjourney

Сот Қазақстандағы уақыт белдеуіне қатысты шешім шығарды

<a href="https://kyzylorda-news.kz/">Kyzylorda-news.kz</a> Кеше ҚР Премьер-министрі Олжас Бектеновтің төрағалығымен өткен Үкімет отырысында Премьер-министрдің орынбасары – Ұлттық экономика министрі Нұрлан Байбазаров негізгі экономикалық көрсеткіштердің өсу қарқыны бойынша алдыңғы қатардағы аймақтарды атады.<blockquote>«Өңірлердің дамуына келсек, 7 негізгі экономикалық көрсеткіш бойынша 6 өңірде – Қарағанды, Қызылорда, Павлодар және Түркістан облыстарында, Астана, Шымкент қалаларында өсу байқалады. Өңдеу өнеркәсібінде де оң өсу қарқыны сақталуда. Өндіріс көлемі 5,3 пайызға дейін жеделдеді. Өсу 14 өңірге тіркелді. Ең жоғары өсу қарқыны Қызылорда, Маңғыстау, Түркістан Қарағанды облыстарында», – деді Н.Байбазаров.</blockquote>Аймақта өткен 11 айда экономикалық өсім деңгейі 7,4 пайызды құрап, облыс бюджетінің шығындар жоспары 97,2 пайызға орындалды. Республикалық бюджеттің нысаналы трансферттері 94 пайыз игерілді.Мұнан бөлек, мәжілісте алдағы жылы «Қызылорда – Жезқазған» жолына реконструкция жасалатыны, «Қызылорда – Ақтөбе» жолы бойынша жаңа жоба басталып, төрт жолақты қозғалысқа көшірілетіні айтылды.Еске салсақ, Мемлекет басшысы Сыр еліне сапары кезінде «Батыс Еуропа – Батыс Қытай» халықаралық дәлізінің Қызылорда қаласынан Ақтөбе облысының шекарасына дейінгі аралығы шын мәнінде өте тар екенін атап өтіп, оны кеңейту жұмыстарын тезірек бастауды тапсырған болатын.Фото: Нұрболат Нұржайбау

Қызылорда облысы өңдеу өнеркәсібінің өсуі бойынша алдыңғы қатарда 

<a href="https://kyzylorda-news.kz/">Kyzylorda-news.kz</a> <span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">Транскаспий халықаралық көлік бағыты (ТХКБ) тұрақты өсімді жалғастырып келеді. Өткізу мүмкіндігі жылына 6 млн тоннаға, оның ішінде 100 мың ЖФБ контейнерлік тасымалдарға дейін ұлғаюда. 2024 жылдың 11 айында жүк тасымалының көлемі 63%-ға артып, 4,1 млн тоннаға жетті, ал контейнерлік тасымалдар көлемі 2,6 есе өсіп, 50,5 мың ЖФБ құрады. Бұл көрсеткіштер бағыттың айтарлықтай өскенін дәлелдейді.<span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">&nbsp;2024 жылы Транскаспий көлік дәлізінің үйлестіру орталығы іске қосылды. Ол инфрақұрылымды дамытуға және бағыттың функционалын кеңейтуге бағытталған. Жаңа платформа ТХКБ-ның бәсекеге қабілеттілігін арттыру үшін жұмыс істейтін болады. Бұл Еуропа мен Азия арасындағы жеткізу мерзімін 15 күнге дейін қысқартуға мүмкіндік береді. Жобаға Қазақстан, Әзербайжан, Грузия, Түркия, Қытай сияқты негізгі елдер мен компаниялар белсенді қатысуда. Бұл ТХКБ-ның жаһандық сауда үшін маңыздылығын айқындайды.<span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">&nbsp;Өткізу мүмкіндігін арттыруға және қызмет көрсету сапасын жақсартуға бағытталған инфрақұрылымды жаңғыртуға ерекше көңіл бөлінуде. &nbsp;<span style="background-color:rgb(255,255,255);color:rgb(0,0,0);font-family:Roboto, -apple-system, BlinkMacSystemFont, &quot;Apple Color Emoji&quot;, &quot;Segoe UI&quot;, Oxygen, Ubuntu, Cantarell, &quot;Fira Sans&quot;, &quot;Droid Sans&quot;, &quot;Helvetica Neue&quot;, sans-serif;">&nbsp;<a href="https://t.me/KZgovernment">@KZgovernment</a>Фото: nege.kz

ТХКБ өсімі мен дамуы: 2024 жылы жүк тасымалының көлемі 63%-ға артып, 4 млн тоннадан асты

<a href="https://kyzylorda-news.kz/">Kyzylorda-news.kz</a> 2024 жыл инфрақұрылымды жаңғыртуға және жаңартылатын энергия көздерін дамытуға бағытталған бірқатар маңызды қадамдар арқылы Қазақстанның энергетика саласы үшін маңызды кезең болды. «Жылу-электр энергетикасын дамыту» бағдарламасы шеңберінде 14 жобаны іске асыруға, оның ішінде, жылумен қамту және электрмен жабдықтау нысандарын реконструкциялауға республикалық бюджеттен 52,7 млрд теңге бөлінді. Орал қаласында қосалқы 2 станса пайдалануға берілді, бұл өңірді энергиямен қамту сенімділігін едәуір арттырды.Сондай-ақ қайтарымды инвестициялар лимиті ұлғайтылды, бұл энергетикалық жабдықтарды жаңғырту бойынша жобалар пулын кеңейтуге мүмкіндік берді.Сонымен қатар жылу жүйесінің тиімділігін арттыруға және халыққа қызмет көрсету сапасын жақсартуға бағытталған «Жылу энергетикасы туралы» Заң қабылданды. Энергетикалық компаниялардың қаржылық тұрақтылығын және инфрақұрылымды жаңғыртуды қолдауды қамтамасыз ететін электр энергиясы мен қуатының дайындығын қолдау жөніндегі қызметтерге тарифтердің көтерілуі маңызды сәт болды. Жалпы, жылу және электр энергетикасы саласында 2024 жылы жаңғырту мен күрделі жөндеу жұмыстарына 327 млрд теңгеден астам қаржы жоспарланған.&nbsp;Халықаралық ынтымақтастық маңызды салаға айналды. Қазақстан Сауд Арабиясы, Қытай және Ресей сияқты шетелдік серіктестермен стратегиялық бірнеше келісімге қол қойды. Мысалы, наурыз айында Сауд Арабиясымен 1 ГВт жел электр стансасын іске асыру туралы келісімге қол қойылды, ал қарашада Қытаймен қуаты 1,8 ГВт жел және күн электр стансаларын салу туралы келісімге қол қойылды. Аталған жобалар жаңартылатын энергия көздерін дамытуда және еліміздің энергетикалық базасын әртараптандыруда маңызды қадам болмақ.&nbsp;<a href="https://t.me/KZgovernment">@KZgovernment</a>Фото: maqat-tynysy.kz

Бас тақырыптар